ਬੀਮਾ ਕੰਪਨੀ ਨੂੰ ਕਲੇਮ ਦਾ 2,93,125/- ਰੁਪਏ ਬੀਮੇ ਦੇ ਸਮੇਤ ਵਿਆਜ਼, ਹਰਜ਼ਾਨਾ ਅਤੇ ਖਰਚਾ ਮੁਕੱਦਮਾ ਅਦਾ ਕਰਨ ਦਾ ਹੁਕਮ

 ਬੀਮਾ ਕੰਪਨੀ ਨੂੰ ਕਲੇਮ ਦਾ 2,93,125/- ਰੁਪਏ ਬੀਮੇ ਦੇ ਸਮੇਤ ਵਿਆਜ਼, ਹਰਜ਼ਾਨਾ ਅਤੇ ਖਰਚਾ ਮੁਕੱਦਮਾ ਅਦਾ ਕਰਨ ਦਾ ਹੁਕਮ

ਸੰਜੀਵ ਗਰਗ ਕਾਲੀ,

 ਧਨੌਲਾ ਮੰਡੀ 24 ਦਸੰਬਰ :-- ਮਾਨਯੋਗ ਉਪਭੋਗਤਾ ਕਮਿਸ਼ਨ ਬਰਨਾਲਾ ਦੇ ਪ੍ਰਧਾਨ ਅਸ਼ੀਸ਼ ਕੁਮਾਰ ਗਰੋਵਰ ਅਤੇ ਮੈਂਬਰ ਨਵਦੀਪ ਕੁਮਾਰ ਗਰਗ ਅਤੇ ਮੈਂਬਰ ਉਰਮਿਲਾ ਕੁਮਾਰੀ ਦੇ ਬੈਂਚ ਵੱਲੋਂ ਸਟਾਰ ਹੈਲਥ ਐਂਡ ਅਲਾਇਡ ਇੰਸ਼ੋਰੈਂਸ ਕੰਪਨੀ ਲਿਮਿਟਡ ਪਾਸੋਂ ਐਡਵੋਕੇਟ ਸ੍ਰੀ ਚੰਦਰ ਬਾਂਸਲ ਧਨੌਲਾ ਦੀਆਂ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਹੋਏ ਵਿਜੇ ਲਕਸ਼ਮੀ ਗਰਗ ਪਤਨੀ ਹਰਿੰਦਰ ਪਾਲ ਗਰਗ ਵਾਸੀ  ਧਨੌਲਾ ਨੂੰ 2,93,125/- ਰੁਪਏ ਬੀਮੇ ਦੀ ਰਕਮ ਸਮੇਤ ਵਿਆਜ਼, ਹਰਜ਼ਾਨਾ ਅਤੇ ਖਰਚਾ ਮੁਕੱਦਮਾ ਅਦਾ ਕਰਨ ਦਾ ਹੁਕਮ ਸਾਦਰ ਫਰਮਾਇਆ ਗਿਆ। ਜ਼ਿਕਰਯੋਗ ਹੈ ਕਿ ਵਿਜੇ ਲਕਸ਼ਮੀ ਗਰਗ ਨੇ ਸਟਾਰ ਹੈਲਥ ਐਂਡ ਅਲਾਇਡ ਇੰਸ਼ੋਰੈਂਸ ਕੰਪਨੀ ਲਿਮਿਟਡ ਪਾਸੋਂ ਆਪਣਾ ਵਾ ਆਪਣੇ ਪਰਿਵਾਰ ਦਾ ਮੈਡੀਕਲ ਬੀਮਾ ਕਰਵਾਇਆ ਸੀ ਜੋ ਉਸਦੇ ਪਤੀ ਹਰਿੰਦਰ ਪਾਲ ਗਰਗ ਦਾ ਮਿਤੀ 06-10-2023 ਨੂੰ ਐਕਸੀਡੈਂਟ ਹੋ ਗਿਆ ਜਿਸਦੇ ਸਰੀਰ ਪਰ ਸੱਟਾਂ ਲੱਗੀਆਂ ਸਨ ਅਤੇ ਉਸਨੇ ਡੀ.ਐਮ.ਸੀ. ਹਸਪਤਾਲ ਲੁਧਿਆਣਾ ਵਿੱਚੋਂ ਆਪਣਾ ਇਲਾਜ਼ ਕਰਵਾਇਆ ਸੀ । ਜਿਸਦੇ ਇਲਾਜ਼ ਦਾ ਖਰਚਾ 2,93,125/- ਰੁਪਏ ਬੀਮਾ ਕੰਪਨੀ ਵੱਲੋਂ ਇਹ ਕਹਿ ਕੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ ਕਿ ਹਰਿੰਦਰ ਪਾਲ ਗਰਗ ਨੇ ਸੱਟਾਂ ਦੀ ਬਜਾਏ ਆਪਣੀ ਕਿਸੇ ਪੁਰਾਣੀ ਬਿਮਾਰੀ ਦਾ ਇਲਾਜ਼ ਕਰਵਾਇਆ ਹੈ। ਇਸ ਤੋਂ ਬਾਦ ਵਿਜੇ ਲਕਸ਼ਮੀ ਗਰਗ ਨੇ ਸ਼੍ਰੀ ਚੰਦਰ ਬਾਂਸਲ, ਐਡਵੋਕੇਟ, ਬਰਨਾਲਾ ਰਾਹੀਂ ਬੀਮਾ ਕੰਪਨੀ ਦੇ ਖਿਲਾਫ ਕੇਸ ਦਾਇਰ ਕੀਤਾ ਜੋ ਮਾਨਯੋਗ ਉਪਭੋਗਤਾ ਕਮਿਸ਼ਨ ਨੇ ਐਡਵੋਕੇਟ ਦੀਆਂ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਹੋਇਆ ਕਿ ਮੈਡੀਕਲ ਰਿਕਾਰਡ ਦੇ ਮੁਤਾਬਿਕ ਜੋ ਵੀ ਇਲਾਜ਼ ਹੋਇਆ ਹੈ, ਉਹ ਸਿਰਫ ਵਾ ਸਿਰਫ ਐਕਸੀਡੈਂਟ ਦੀਆਂ ਸੱਟਾਂ ਦਾ ਹੀ ਹੋਇਆ ਹੈ, ਸਟਾਰ ਹੈਲਥ ਐਂਡ ਅਲਾਇਡ ਇੰਸ਼ੋਰੈਂਸ ਕੰਪਨੀ ਲਿਮਿਟਡ ਨੂੰ ਉਕਤ ਰਕਮ 2,93,125/- ਰੁਪਏ ਸਮੇਤ ਵਿਆਜ਼, ਹਰਜ਼ਾਨਾ ਅਤੇ ਖਰਚਾ ਮੁਕੱਦਮਾ ਅਦਾ ਕਰਨ ਦਾ ਹੁਕਮ ਸਾਦਰ ਫਰਮਾਇਆ ਗਿਆ।