ਹੁਣ ਨੱਕ ਰਗੜਦਾ ਫਿਰਦੈ ਕਾਲੋਨਾਈਜ਼ਰ

ਹੁਣ ਨੱਕ ਰਗੜਦਾ ਫਿਰਦੈ ਕਾਲੋਨਾਈਜ਼ਰ! www.bbcindianews.com

 ਬੇਨਿਯਮੀਆਂ ਜਾਹਿਰ ਹੋਣ ਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਤੋਂ ਬਚਾਅ ਨਾ ਹੁੰਦਾ ਦੇਖ ਹੁਣ ਪ੍ਰਮਾਤਮਾ ਦੇ ਦਰਬਾਰ ਦੀਆਂ ਕਾਲੋਨਾਈਜ਼ਰ ਭਰਨ ਲੱਗਾ 'ਚੌਂਕੀਆਂ'

ਕਥਿਤ ਧਾਂਦਲੀਆਂ ਚ ਸ਼ਾਮਲ  ਭਾਈਵਾਲ ਅਧਿਕਾਰੀ ਦੇ ਬਰਨਾਲੇ ਛੱਡ ਜਾਣ ਕਾਰਨ ਕਿਸੇ ਪਾਸਿਓਂ ਨਹੀਂ ਮਿਲਦਾ ਦਿਖ ਰਿਹਾ 'ਠੰਡਾ ਬੁੱਲਾ'

ਡਾ ਰਾਕੇਸ ਪੁੰਜ (ਬਰਨਾਲਾ) 

ਸਥਾਨਕ ਸ਼ਹਿਰ ਦੇ ਇੱਕ ਨਾਮੀ ਕਲੋਨਾਇਜ਼ਰ ਵਲੋਂ ਇੱਕ ਵੱਡੇ ਸਿਵਲ ਅਧਿਕਾਰੀ ਅਤੇ ਕੁਝ ਮਾਲ ਵਿਭਾਗ ਦੇ ਅਧਿਕਾਰੀਆਂ ਨਾਲ ਮਿਲੀਭੁਗਤ ਕਰਕੇ ਸਰਕਾਰੀ ਨਿਯਮਾਂ ਦੀਆਂ ਕਥਿਤ ਧੱਜੀਆਂ ਉਡਾ ਸਰਕਾਰੀ ਖਜ਼ਾਨੇ ਨੂੰ ਲਗਾਏ ਕਰੋੜਾਂ ਰੁਪਏ ਦੇ ਕਥਿਤ ਚੂਨੇ ਦੀਆਂ ਕਨਸੋਆ ਬਾਹਰ ਨਿਕਲਣ ਤੋਂ ਬਾਅਦ ਬਚਾਅ ਲਈ ਦਾਅ-ਪੇਚ ਖੇਡਣ ਤੋਂ ਬਾਅਦ ਕਿਸੇ ਪਾਸਿਓ ਸੁੱਖ ਦਾ ਸਾਹ ਨਾ ਮਿਲਦਾ ਦੇਖ ਆਖਿਰ ਪ੍ਰਮਾਤਮਾ ਦੇ ਦਰਬਾਰ ਤੇ ਅਰਜ਼ੋਈਆਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਬੀਤੇ ਲੰਮੇਂ ਸਮੇਂ ਤੋਂ ਰੀਅਲ ਇਸਟੇਟ ਦੇ ਕਾਰੋਬਾਰ ਨਾਲ ਜੁੜੇ ਕੇ ਕਰੋੜਾਂ ਰੁਪਏ ਕਮਾਉਣ ਵਾਲੇ ਕਲੋਨਾਇਜ਼ਰ ਵਲੋਂ ਆਪਣੀਆਂ ਕਲੋਨੀਆਂ ਚ ਵੱਡੀਆਂ ਕਥਿਤ ਬੇਨਿਯਮੀਆਂ ਵਰਤ ਕੇ ਜਿੱਥੇ ਖੁਦ ਕਰੋੜਾਂ ਰੁਪਏ ਦੀ ਕਮਾਈ ਕੀਤੀ ਹੈ,ਉੱਥੇ ਹੀ ਉਕਤ ਕਾਲੋਨਾਈਜ਼ਰ ਵਲੋਂ ਬੀਤੇ ਸਮੇਂ ਦੌਰਾਨ ਇੱਥੋਂ ਦੇ ਇੱਕ ਵੱਡੇ ਸਿਵਲ ਅਧਿਕਾਰੀ ਨੂੰ ਕਥਿਤ ਤੌਰ ਤੇ ਕਰੋੜ ਰੁਪਏ ਤੱਕ ਦਾ ਸ਼ੁਕਰਾਨਾ ਦੇਣ ਦੇ ਵੀ ਚਰਚੇ ਹਨ।ਜਿਸ ਸ਼ੁਕਰਾਨੇ ਦੀ ਬਦੌਲਤ   ਕਾਲੋਨਾਈਜ਼ਰ ਵਲੋਂ ਉਕਤ ਅਧਿਕਾਰੀ ਨਾਲ ਮਿਲ ਕੇ ਸਰਕਾਰੀ ਖਜ਼ਾਨੇ ਨੂੰ ਕਰੋੜਾਂ ਰੁਪਏ ਦਾ ਕਥਿਤ ਚੂਨਾ ਲਾਇਆ ਹੈ। ਬੀਤੇ ਕੁਝ ਦਿਨਾਂ ਤੋਂ ਕਲੋਨਾਇਜ਼ਰ ਵਲੋਂ ਆਪਣੇ ਨੇੜਲੇ ਵਕੀਲਾਂ ਨਾਲ ਸਲਾਹ ਮਸ਼ਵਰੇ ਕਰਕੇ ਕੀਤੀਆਂ ਕਥਿਤ ਬੇਨਿਯਮੀਆਂ ਚੋਂ ਨਿਕਲਣ ਦਾ ਰਸਤਾ ਤਲਾਸ਼ਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਕਾਲੋਨਾਈਜ਼ਰ ਵਲੋਂ ਕਰਵਾਈਆਂ ਰਜਿਸਟਰੀਆਂ ਅਤੇ ਸੀਐਲਯੂ ਆਦਿ ਵਿੱਚ ਵੱਡੀਆਂ ਬੇਨਿਯਮੀਆਂ ਸਾਹਮਣੇ ਜੱਗ ਜ਼ਾਹਿਰ ਹੁੰਦੀਆਂ ਦੇਖ ਉਕਤ ਕਾਲੋਨਾਈਜ਼ਰ ਵਲੋਂ ਪ੍ਰਸ਼ਾਸਨਿਕ ਤੌਰ ਜੋਰ-ਅਜਮਾਈ ਕਰਨ ਤੋਂ ਬਾਅਦ ਸੱਜਣ ਅਧਿਕਾਰੀਆਂ ਦੇ ਚਲੇ ਜਾਣ ਕਾਰਨ ਕਿਸੇ ਪਾਸਿਓਂ ਠੰਡਾ ਬੁੱਲਾ ਨਾ ਆਉਂਦਾ ਦੇਖ ਉਕਤ ਕਾਲੋਨਾਈਜ਼ਰ ਵਲੋਂ ਬੀਤੇ ਐਤਵਾਰ ਨੂੰ ਆਪਣੇ ਇੱਕ ਭਤੀਜੇ ਨੂੰ ਨਾਲ ਲੈ ਕੇ ਘੰਟਿਆਂਬੱਧੀ ਸ੍ਰੀ ਮਹਾਂਵੀਰ ਮੰਦਰ ਧਨੌਲਾ ਵਿਖੇ ਤਪੱਸਿਆ ਕੀਤੀ ਦੱਸੀ ਜਾ ਰਹੀ ਹੈ। ਇਹ ਵੀ ਪਤਾ ਲੱਗਾ ਹੈ ਕਿ ਇਸ ਤੋਂ ਪਹਿਲਾਂ ਕਦੇ ਵੀ ਕਾਲੋਨਾਈਜ਼ਰ ਵਲੋਂ ਐਨਾ ਲੰਮਾ ਸਮਾਂ ਮੰਦਰ ਅੰਦਰ ਨਹੀਂ ਗੁਜ਼ਾਰਿਆ।ਪਰ ਕਲੋਨਾਇਜ਼ਰ ਨੂੰ ਇਹ ਸਮਝ ਲੈਣਾ ਚਾਹੀਦਾ ਹੈ ਕਿ ਪ੍ਰਮਾਤਮਾ ਕਦੇ ਕਥਿਤ ਗ਼ਲਤ ਕੰਮ ਕਰਨ ਵਾਲਿਆਂ ਦਾ ਸਾਥ ਨਹੀਂ ਦਿੰਦਾ।