ਹਨੁਮਾਨ ਜੀ ਦੇ ਮੰਦਰ ਧਨੌਲਾ ਦੀ ਰਸੋਈ ਵਿੱਚ ਫਟਿਆ ਸਿਲੈਂਡਰ, ਕਈ ਲੋਕ ਝੁਲਸੇ।

 ਹਨੁਮਾਨ ਜੀ ਦੇ ਮੰਦਰ ਧਨੌਲਾ ਦੀ ਰਸੋਈ ਵਿੱਚ ਫਟਿਆ ਸਿਲੈਂਡਰ, ਕਈ ਲੋਕ ਝੁਲਸੇ।

ਧਨੌਲਾ ਦੇ ਹਨੂੰਮਾਨ ਮੰਦਰ ਵਿਚ ਸਿਲੈਡਰ ਫੱਟਣ ਕਾਰਨ 7 ਬੀਬੀਆ ਸਮੇਤ 15 ਸ਼ਰਧਾਲੂ ਝੁਲਸੇ

 ਸੰਜੀਵ ਗਰਗ ਕਾਲੀ

ਧਨੌਲਾ ਮੰਡੀ, 5 ਜੁਲਾਈ : ਹਨੂੰਮਾਨ ਮੰਦਰ ਧਨੌਲਾ ਦੀ ਰਸੋਈ ਵਿਚ  ਸਿਲੈਡਰ ਫਟਣ ਕਾਰਨ਼ 15 ਲੋਕਾਂ ਦੇ ਝੁਲਸੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਜਿੱਥੇ ਹਲਵਾਈ ਪੂਰੀਆਂ ਵਗੈਰਾ ਬਣਾ ਰਹੇ ਸੀ ਉੱਥੇ ਅਚਾਨਕ ਅੱਗ ਲੱਗ ਗਈ। 

 ਅਤੇ  ਹਫੜਾ ਦਫੜੀ ਮੱਚ ਗਈ। ਮੰਗਲਵਾਰ ਵਾਲੇ ਦਿਨ ਇਸ ਮੰਦਰ ਵਿਚ ਕਾਫੀ ਵੱਡੀ ਭੀੜ ਸ਼ਰਧਾਲੂਆਂ ਦੀ ਹੁੰਦੀ ਹੈ। ਜਦੋ ਮੰਦਰ ਦੀ ਰਸੋਈ ਅੰਦਰ ਸਿਲੈਡਰ ਫਟਿਆ ਉਸ ਸਮੇ ਸ਼ਰਧਾਲੂ ਦੀ ਵੱਡੀ ਭੀੜ ਲੱਗੀ ਹੋਈ ਸੀ। ਹਸਪਤਾਲ ਚੋਂ ਮਿਲੀ ਜਾਣਕਾਰੀ ਮੁਤਾਬਕ ਹਲਵਾਈ ਸਟਾਫ ਦੇ ਅੱਠ ਵਿਅਕਤੀ ਅਤੇ ਸੱਤ ਬੀਬੀਆਂ ਪੂਰੀਆਂ ਬੇਲਣ ਵਾਲੀਆਂ  ਬੀਬੀਆ ਸਮੇਤ 15 ਸ਼ਰਧਾਲੂਆਂ ਦੇ ਝੁਲਸ ਜਾਣ ਦੀ ਖਬਰ ਹੈ ਅਤੇ ਉਹਨਾ ਨੂੰ ਇਲਾਜ ਲਈ  ਸਰਕਾਰੀ ਹਸਪਤਾਲ ਧਨੌਲਾ ਵਿਚ ਲਿਜਾਇਆ ਗਿਆ ਹੈ। ਮੰਦਰ ਪ੍ਰਬੰਧਕਾ ਦੇ ਦੱਸਣ ਮੁਤਾਬਕ ਇਹ ਸਾਹਮਣੇ ਆਇਆ ਹੈ ਕਿ ਮੰਗਲਵਾਰ ਵਾਲੇ ਦਿਨ ਲੋਕ ਆਪਣੀ ਸਰਧਾ ਮੁਤਾਬਕ ਬਾਹਰੋ ਆ ਕੇ ਇੱਥੇ ਲੰਗਰ ਲਗਾਉਂਦੇ ਹਨ। ਇਹ ਲੰਗਰ ਵੀ  ਕਿਸੇ ਸਰਧਾਲੂ ਵੱਲੋ ਲਗਾਇਆ ਗਿਆ ਸੀ ਅਤੇ ਉਹਨਾ ਨੇ ਆਪਣੇ ਵੱਲੋ ਹੀ ਸਾਰੇ ਪ੍ਰਬੰਧ ਕੀਤੇ ਹੋਏ ਸਨ। ਜਖਮੀਆਂ ਦਾ ਇਲਾਜ਼ ਸਿਵਲ ਹਸਪਤਾਲ ਧਨੌਲਾ ਵਿਚ ਚੱਲ ਰਿਹਾ ਹੈ । ਔਰਤਾਂ  ਮਾਮੂਲੀ ਜਖਮੀ ਹਨ ਤੇ ਬਾਕੀਆਂ ਨੂੰ ਬਰਨਾਲੇ ਤੇ ਕੁਝ ਨੂੰ ਫਰੀਦਕੋਟ ਰੈਫਰ ਕੀਤਾ ਜਾਵੇਗਾ।  ਜਖਮੀ ਵਿਅਕਤੀਆਂ ਵਿੱਚ ਦਲੀਪ,  ਮਿੱਠੂ ਸਿੰਘ ,ਅਵੀ ਨੰਦਨ, ਅਜੇ, ਬਲਵਿੰਦਰ ਸਿੰਘ, ਰਾਮ ਜਤਨ ,ਵਿਸ਼ਾਲ, ਰਾਮ ਚੰਦਰ ਤੋਂ ਇਲਾਵਾ ਔਰਤਾਂ ਗੁਰਮੀਤ ਕੌਰ, ਮਨਜੀਤ ਕੌਰ, ਗੁਰਮੇਲ ਕੌਰ, ਅਮਰਜੀਤ ਕੌਰ, ਪਰਮਜੀਤ ਕੌਰ ,ਸੁਰਜੀਤ ਕੌਰ, ਸਰਬਜੀਤ ਕੌਰ ਆਜ ਸ਼ਾਮਿਲ ਹਨ। ਜਿਉਂ ਹੀ ਖਬਰ ਦਾ ਪਤਾ ਲੱਗ ਗਿਆ ਤੇ ਧਨੌਲਾ ਦੇ ਸਮਾਜ ਸੇਵੀ ਲੋਕ ਅਤੇ ਪੁਲਿਸ ਪ੍ਰਸ਼ਾਸਨ ਦੇ ਏਐਸਆਈ ਸੁਖਦੇਵ ਸਿੰਘ ਨੇ ਮੌਕੇ ਤੇ ਪਹੁੰਚ ਕੇ ਜ਼ਖਮੀਆਂ ਦੀ ਮਦਦ ਕੀਤੀ। ਮੌਕੇ ਤੇ ਮੌਜੂਦ ਡਾਕਟਰ ਜਸਪਿੰਦਰ ਕੌਰ, ਸਹਾਇਕ ਸਟਾਫ ਸਰਬਜੀਤ ਕੌਰ, ਜਸਪ੍ਰੀਤ ਕੌਰ, ਅਮਰੀਕ ਸਿੰਘ ਸੰਘੇੜਾ ਹਰਬੰਸ ਸਿੰਘ , ਅਮਰੀਕ ਸਿੰਘ ਆਦਿ  ਨੇ ਜਖਮੀਆਂ ਦੀ ਮੱਲਮ ਪੱਟੀ ਕਰਕੇ ਮੁਢਲੀ ਸਹਾਇਤਾ ਦਿੱਤੀ। ਇਸ ਮੌਕੇ ਤੇ ਧਨੌਲਾ ਨਗਰ ਕੌਂਸਲ ਦੇ ਪ੍ਰਧਾਨ ਸਾਹਿਬ ਸਿੰਘ ਸੋਢੀ ,ਅਜੇ ਕੁਮਾਰ ਕੌਂਸਲਰ ਆਦਿ ਨੇ ਵੀ ਪੂਰਾ ਸਹਿਯੋਗ ਦਿੱਤਾ।